Lopster Schriefwedstried 2010: Dou mit!

Lopster Schriefwedstried 2010: Dou mit!
Veur vieftiende moal holdt gemainte Loppersom zien Grunneger Schriefwedstried.
In aander gemainten wordt dizze schriefwedstried organiseerd deur biebeltaiken, mor in gemainte Loppersom dut gemainte t zulf. Tredietsie ja. En omreden t is daarde lustrum pakt gemainte nog meer oet as aans. Ie maggen zulf waiten woar ie over schrieven willen. Hieronder staait t reglement zodat ie veur ale wizzeghaid noagoan kinnen hou of boudel in zien waark gaait. Dailnemers mouten oet gemainte Loppersom kommen, mor ook leerlingen dij in gemainte Loppersom noar schoul goan en nait in gemainte wonen, maggen mitdoun. Priesoetlangen is ind meert ankom joar, persieze doatum wordt nog bekind moakt. De Lopster winnoars doun doarnoa vanzulf mit aan Pervinzioale Schriefwedstried dij organiseerd wordt deur Stichting Grunneger Toal, Huis van de Groninger Cultuur en Biblionet Groningen. Veur n ‘Spellingwijzer’ van teksten in t Grunnegs en t wedstriedreglement kinnen ie kieken bie joen biebeltaik en op webziede van gemainte: www.loppersum.nl